Portrait of John (I) the Steadfast, Elector of Saxony (1467–1532) Lucas Cranach the Elder (workshop of)

Printed inscription upper left: Johans der Erst/Churfurst | vnd Hertzog zu Sachssen. Printed german verses below:

Nach meines lieben bruders end
Bleib auff mir das gantz Regimend.
Mit grosser sorg vnd mancher fahr
Da der Bawr toll vnd töricht war.
Die auffrhur fast ynn allem land
Wie gros fewr ym wald entbrand.
Welches ich halff dempfen mit Gott
Der Deudsches land erret aus not.
Der Rottengeister feind ich war
Hielt ym land das wort rein vnd klar.
Gros dreiwen: bittern hass vnd neid
Vmb Gottes worts willen ich leid.
Frey bekand ichs aus hertzem grund
Vnd personlich selbst ich da stund.
Vor dem Keisar vnd gantzem Reich
Von Fürsten geschach vor nie des gleich.
Solchs gab mir mein Gott besunder
Vnd vor der welt was ein wunder.

Vmd land vnd leut zu bringen mich
Hofft beid freund und feind gewislich.
Ferdnand zu Römschen König gmacht
Vnd sein wahl ich allein anfacht.
Auff das: das alte Recht bestünd
Inn der gülden Bullen gegründ.
Wiewol das grossen zorn erregt
Mich doch mehr recht denn gunst bewegt.
Das hertz gab Gott dem Keisar zart
Mein guter freund zu letzt er ward.
Das ich mein end ym frid beschlos
Vast sehr den Teuffel das verdros.
Erfarn hab ichs vnd zeugen thar
Wie vns die schrifft sagt vnd ist war.
Wer Gott mit ernst vertrawen kan
Der bleibt ein vnverdorben man.
Es zürne Teuffel odder welt
Den sieg er doch zuletzt behelt.

Benkő, Éva – Garas, Klára – Urbach, Zsuzsa, Ember, Ildikó – Takács, Imre (eds.), Old Masters’ Gallery Summary Catalogue Vol. 3: German, Austrian, Bohemian and British Paintings 3, Budapest, p. 32.

Pigler, Andor, Katalog der Galerie Alter Meister, 1-2. Museum der Bildenden Künste, Szépművészeti Múzeum, Budapest. 2, Akadémiai Kiadó, Budapest, 1967, p. 168.